Altherations tae Dwallin Hoose Rates i Norlin Airlan – Quhat hit means tae ye

Forewurd

Altherations ir bein’ maide tae the wie o’ ratin’ dwallin hooses i Norlin Airlan. This leaflet shews fer wie thae altherations ir bein’ maide an’ quhat hit wul mean fer ye, gif ye pey rates. The altherations wul cum in fae Aprille 2007 an, tae gie ye a han’ maakin readie, we’re fer pittin oot mair wittens i the nex’ wheen o’ monthts.

Fer wie bes the system bein’ althered?

The wie o’ waarkin oot yer rates bein’ uised aa the mannit bes biggit oan quhat yer hoose wus worth 30 yeirs sine. Quhat ye pey i rates, compeered wi’ ither fowk, bes based oan the rental velue o’ yer hoose compeered wi’ the rental velue o’ ither hooses. Accause the econmy has althered owre the 30 yeirs pas’ wheens o’ hoosehaulds noo pey a baager shaire an’ ithers a wee’er shaire nor they shud bae peyin. We houl at thon isnae fair an’ shud bae althered.

Quhat bes altherin

We ir maakin twa baag altherations

• We ir reveluin ivry property tae bring bak fairness an’ tae maak siccar at ivryboadie peys rates accordain tae the velue o’ yer hoose the noo.
• We wul mak’ ap yer rates bill accordain tae the ‘Capital Velue’ o’ yer dwallin. Thon wul mak’ hit aisy fer ye tae see an’ unnerstan hoo yer rates bill wus wrocht oot.

Quhat bes Capital Velue?

Capital Velue bes the amount o’ catter ye wud, menseably, hae gat fer yer hoose oan the appen meercet oan Janwerry 1^st 2005. Thon’s the date we uise tae mak’ siccar at aa values ir consistent. Tae waark oot the velue we mak’ uise o’ wittens aboot the sale price o’ hooses i yer airt. Forebye thon we mak’ a wheen o’ assumptions tae keep the velue fair. Fer example we alloo at hooses hae the saime stannart o’ bathruim an’ kitchen fer thair aige, kind an’ airt.

Wul mae rates bill gae ap oan account o’ the move fae rental tae capital velue?

Thon micht no happen quhan we redistribute rate liability accordain tae capital velue aa Janwerry 1^st 2005. Sae, gif yer hoose bes i an airt at hed heigh rental velues 30 yeirs isne, bit quhar capital velues ir ablow average, ye cud see quhat ye hae tae pey cummin doon. Oan the ither han, gif yer hoose hed a laigh rental velue 30 yeirs sine, bit bes i an airt quhar property prices ir heigh the noo, yer rates cud mebbe gae ap.

Gif mae rates gae ap accause o’ the revelualtion wul thair bae hefts tae bae gat?

Owre the furst thrie years o’ the new system we wul bring in the increases fer thaim at ir maist affected bit bae bit, (thon bes cried “Transitional Relief”). Fowk wi’ wee incomes wul bae fit tae cairry oan getting’ Hoosin Benefit tae pey a air pairt o’ thair rates bill. Forebye thon thair wul bae a new minted “Rate Aisement Scheme” fer fowk wi’ incomes a wee bit ayont the day’s leemits fer Hoosin Benefit. Mair wittens aboot Transitional Relief an’ the new minted Rate Aisement Scheme wul bae pit oot laiter oan i the yeir.

Quhan wul A fin’ oot hoo mich A hae tae pey?

Ye’ll fin’ oot quhat ye hae tae pey i Aprille 2007. Hooiniver i Julai an’ Ageest we wul sen’ oot a screed tae tell ye:

• The capital velue we hae gien tae yer hoose; an
• Hoo mich ye wud hae tae pey unner the new system gif hit wur brocht in noo (Forebye ye ir a Hoosin Executive ir hoosin association tenant peyin a combined rent an’ rate charge the noo).

Forebye thon we’ll pit oot the capital velue o’ ivry home i Norlin Airlan oan oor wabsteid efter sennin oot notification screeds tae fowk. Thon wul gie ye a han’ compeerin the capital velue o’ yer hame wi’ ither hooses at ir the saime i yer airt.

Gif ye hae onie speirins quhan yer notification screed cums oot ye’ll bae fit tae tellyphone oor helpline aa nae cost, (ye’ll get the nummer alang wi’ the notification screed). Gif hit’s yer notion at the capital velue gien tae yer hoose bes wrang ye’ll bae fit tae ax us tae leuk intae hit (thon’ll bae an informal leukin intae).

Watter an’ sewerage charges

Fae Aprille 2007 ivry hoosehauld wul pey a direct chairge fer thair watter supply. Forebye thon, gif ye’re hookit oan tae the public sewerage system, ye’ll pey a separate chairge fer thon.

Thair wul bae twa pairts tae the new chairges – a fixit chairge an’ a variable chairge. The variable chairge wul gae accordain tae the capital velue o’ yer hoose.

Watter an sewerage chairges wul bae brocht in bit bae bit owre the cummin thrie years, sae ye’ll pey yin thurd o’ the fu’ chairges i the furst yeir.

Ye’ll get mair wittens aboot watter an’ sewerage chairges laiter oan i the yeir, shewin the hefts at micht bae thair fer ye gif yer pey bes laigh. Hooiniver, fer noo, ye micht bae wantin’ tae leuk aa the wabsteid aa www.waterreformni.gov.uk

Quhat dae A hae tae dae noo

Ye dinnae hae tae dae oniething fer noo. This leaflet bes onie tae gie wittens tae ye. We’ll gie ye mair wittens, includin’ hoo tae get oantae oor free helpline, quhan we sen’ oot yer notification screed. Forebye thon we wul pit wittens aboot the effects o’ reveluation intae locail paipers i the nex’ wheen o’ sennicht.

Gif ye’re anxious tae hae these wittens i a differ format ir leid get oantae:

Veluation an’ Lans Agency

Customer Services

Queen’s Coort

56 – 66 Apper Queen Street

Bilfawst

BT1 6FD.